Sa pagpanubay sa DXDC Team, gibutyag sa Davao City Disaster Risk Reduction and Management Office (CDRRMO) nga 4,300 ka mga indibidwal o anaa sa 1,093 ka mga pamilya ang apektado sa syudad.
Sa datos sa CDRRMO, 18 ka nga evacuation sites ang gihiklingan sa mga apektado sa pagbaha diin labing apektado ang Brgy Tigatto ug Bunawan District.
Karong buntaga, nilusad og Rapid Damage Assessment and Needs Analysis ang CDRRMO diin gideploy ang mga giporma nga mga teams gikan sa City Health Office para mututok sa health situation, City Engineers Office alang sa mga damyos sa imprastratura, City Agriculture’s Office sa crops and fisheries, City Veterinarian’s Office para sa livestock samtang ang City Social Welfare and Development Office (CSWDO) sa ihap sa mga biktima sa baha ug cost of damage.
Sa pinakaulahing CDRRMO-OPCEN SUMMARY REPORT as of February 22, 2023, 6:00 AM walay reported casualties, nagpahigayon og preemptive evacuation ug rescue operations sa mga affected areas ug mass wasting (soil erosion ) sa Purok Lower Kapatagan, Brgy. Magsaysay, Marilog District kagabie ug tungod niini parehong dili maagian sa tanang sakyanan ang maong dalan apan walay balay nga naapektuhan sa pagdahili sa yuta.
RadyoMaN Aimee Guinita
