Davao City – Gipahimangnuan sa Department of Social and Welfare Development XI ang mga benepisyaryo sa Pantawid Pamilya Pilipino Program (4ps) nga dili magpagamit sa mga kandidato karong eleksyon.
Sumala ni DSWD XI Assistant Regional Director for Operations Rebecca Santamaria wala gayuy matugutang mga parent leaders sa matag-barangays nga muapil sa mga kampanya ug gamiton ang 4ps para sa personal nga mga intensyon.
“Ginabawalan namo ang amoang mga beneficiaries na mahimong campaign managers because usually we have many parent leaders ginagamit pod na nila so kana ginabawalan gyod nato sila nga pagamit pod sila kay every parent leaders naga-handle na sila og many pantawid beneficiaries,” matud ni Santamaria.
Segun ni Santamaria, dili angay nga mahadlok ang mga membro sa 4PS kay ang ahensya lamang ang adunay kapasidad nga makadesisyon kung qualified ba o dili na ang usa ka pamilya para sa naasoy nga programa sa gobyerno.
“Wala gyod silay labot sa selection sa atong mga beneficiaries ug sa delisting sa mga beneficiaries ang DSWD lang ang makahimo ana kay we have our own criteria kung hawaon ka o dili,” sumala ni Santamaria.
RadyoMaN Aimee Guinita
