Sa abiso sa DSWD-XI, muagi sa case management ang upat (4) ka bulan nga paglapas sa benepisyaryo sa kondisyon nga gitakda sa programa o zero compliance.
Human niini, kung padayon gihapon nga dili musunod ang usa ka benepisyaryo sa mga kondisyon sulod sa usa ka tuig, awtomatik na kining matanggal sa programa.
Samtang, nanawagan sab sa netizen nga si Melane Decrito Bucala nga kinahanglang masigurado sa DSWD nga angayan gayud ang mga indibidwal nga mabutang isip 4Ps beneficiaries.
Kahinumduman nga daghang reklamo ang gipaabot sa dili matud pa patas nga paghatag sa maong grant, rason nga nagpahigayon sab og evaluation ang departamento pagsigurong kwalipikado ang maka-avail sa programa nga gitagana sa labing nagkalisod nga mga pamilya sa komunidad.
RadyoMaN Kirby Manzon
