Davao City – Dako kuno og natabang ang Pantawid Pamilyang Pilipino Program (4Ps) sa mga nagkalisod nga pamilya dinhi sa dakbayan sa Davao.
Kini ang gisulti sa usa sa mga benepisyaryo sa Toril, Davao City nga nahinabi ni RadyoMaN Erin Lumosbog atol sa Straight to the Point Program sa DXDC.
Matud niya, gumikan sa maong programa, nakadawat siya og P 2,800 kay usa raman ang iyang anak ug dako usab kini og tabang sa ilang pang adlaw-adlaw nga panginahanglanon.
“Ang uban sigeg reklamo kay sauna nga giignan sila nga naay 4Ps sige lang sila ug balibad, karon nga niabot na ang kahayahay, dira na nuon sila nagmahay. Maong ako dako gyud akong pagpasalamat nga nakaapil ko ug dili ko uyon nga tanggalun ni nga programa sa atong gobyerno.” sigun sa wala nagpailang 4Ps beneficiary.
Ang mga benepisyaryo sa nagkalain-laing purok sa nasangpit nga Brgy. mikabat na sa 200 ka mga pamilya.
Kahinumduman nga sa milabayng katuigan, aduna nay mga isyu kabahin sa “Fake Beneficiaries” ug sa dili maayong paggamit sa maong benepisyo hinungdan nga padayon ang pagsusi sa Department of Social Welfare and Development kun DSWD diha sa talaan sa mga beneficiaries sa 4Ps.
Esnani O. Mai Jr. and Michael Christian U. Marcial, JMC interns
