Davao City – Dili angayang sundon si Juan Tamad sa mga benepisyaryo sa Pantawid Pamilyang Pilipino Program (4Ps) nga magsalig na lamang niini ug di na mangita ug laing trabaho.
Sumala ni Davao City 3rd District Councilor Conrado “Conde” Baluran, kanhi chairman sa Committee on Agriculture sa konseho sa Davao, ang 4Ps alang lamang kini sa mga pamilya nga maglisud sa pagpa-eskwela sa ilang mga anak ug walay ensaktong kita.
Matud ni Baluran, como kay adunay gihatag nga hinabang ang gobyerno sa mga kabus nga pamilya magsalig nalang ug dili na mangita ug laing kapanginabuhian.
Sa pikas bahin dili kombinsido si Councilor Baluran sa sugyot ni Agriculture Sec. Manny Piñol nga ipaagi na lang sa livelihood program ang paghatag og tabang sa mga kabus nga mao ang 4Ps tungod kay dili tanan ang makabenepisyo niini.
Mas maayo gyud tong cash ang ihatag kanila tungod kay direkta kini nilang madawat segun sa konsehal sa ikatulong distrito sa Davao – Conrado Conde Baluran.
RadyoMaN Bernard Pantallon
