TACLOBAN CITY – Dida han nakalabay nga October 18, 2018 natapos an Philippine Veterans Bank (PVB) ha pag credit han mga conditional cash grants ha mga 4ps nga mcct beneficiaries ha probinsya han Leyte.
48,805 nga mga benepisyaryo ha ilarom han 4ps regular conditional cash transfer (RCCT) ngan 17,780 nga pamilya han modified conditional cash transfer (MCCT) ha Leyte an nakakarawat han ira assistance para ha bulan han pebrero tubtub hulyo 2018 (period 1-3).
Pero sumala han DSWD, pira nga mga benepisyaryo han MCCT, ilabi na ha bungto han Dulag ngan Tolosa an natagan la han ira ayuda para ha bulan han pebrero tubtub mayo 2018 o period 1-2 la mahitungod nga ginpoproseso pa han national level an period 3 ha bulan han hunyo ngan hulyo 2018.
Waray naman maghatag hin talaan nga adlaw an DSWD kun san-o ighahatag an cash grant para han nabibilin nga period, ilabi na ha nasabi nga mga bungto.
