Sumalakan Cong. Libanan, ine nga budget in gagamiton para agud maayad an an mga irrigation canals ha mao nga probinsya.
“Nagparelease kita yana hin P70 Million nga gin-iimplementar na yana pag-repair han aton mga irrigation canals kay damo na an naruba, ine naman in tatalinguhaon naton nga madugangan pa an pondo next year,” siring ni Libanan.
Labot la han pagpaupay han mga irrigation canals, nagpadangat na gihapon an 4ps partylist hin nga solar pumps agud mabuligan nga mapaupay an awas han tubig tikadto ha mga pananom.
Dugang pa ni Libanan, igintatagan na gihapon yana hin sulosyon an problema ha ‘black bugs’, usa nga peste nga nakakaulang ha produksyon han palay ilabi na ha Eastern Samar.
“An sulosyon agud malikyan ine, iton variety han palay nga aton gintatanom. Pero mayda genetically resistant hiton nga black bug nga amo iton aton ginpapahatag ha aton mga farmers basi dire nira kaunon an lawas han palay,” segun pa ni Libanan.
Gin-aaghat naman yana ni Libanan an mga parag-uma nga magtanom hin palay agud masulosyunan an kakulangan an paghingulang ngan kamahal hin presyo han bugas ha mga merkado.
Nagtutuo naman hiya nga ipinaagi han pagdumara hin ‘comprehensive study on how to develop drainage system’ ngan pagtindog hin mga farm to market roads in duro kaupay nga makakabulig ha mga parag-uma.
“If we want really to improve the rice production in our area, konektaron ta ine. When we talk about rice production, we talk about land where these can be planted”.
