Davao City – Gidapigan sa Magsasaka Incorporated ang pamahayag ni Department of Agriculture (DA) Secretary Manny Piñol nga nahimo nang tapulan ang mga tawo nga nakabenepisyo sa 4Ps sa gobyerno.
Gibutyag sa focal person sa maong grupo nga si Tito Porras nga ensakto ang obserbasyon ni Piñol nga daghan sa mga benepisaryo wala na manarbaho tungod kay nagsalig na lamang diha sa 4Ps nga madawat nila matag bulan.
Giingon ni Porras nga wala madapat sa sakto nga katuyuan ang program gumikan gawas nga natapulan ang mga benepisaryo, daghan sa mga arangan nakapahimulos niini gawas nga gigamit kini sa mga politiko.
Ma-usik lang ang binilyon ka pesos nga pondo sa 4Ps sa katarungan nga dili sustainability ang programa alang sa panginahanglon sa mga benepisaryo.
Aron mahaw-as sa kalisod ang mga kabos gikinahanglan tudluan sila sa malungtaron nga panginabuhian gamit ang programa sa gobyerno sa ingon dili hangtud sa pag-alimpungad sa cash assistance ang himoon sa mga benepisaryo matag bulan.
Busa gipaboran ni Porras ang tinguha ni Piñol nga mabalhin sa iyang buhatan ang pundo sa 4Ps ug bahala na ang iyang opisina sa paghatag og livelihood program sa mga benepisaryo aron sa ingon adunay return of investment madawdaw ang kagamhanan.
Ugali mahatagan og katumanan ang pangandoy ni Sec. Piñol nga mabalhin sa iyang buhatan ang pundo sa 4Ps program segurohon lang daw nga dili makurakot ang binilyon ka pesos nga pundo sa mga ginsakpan sa departmento sa agrikultura.
RadyoMaN Joel Viray
