Davao City – Gidepensahan sa Commission on Higher Education 11 (CHED XI) Scholarship Coordinator Director Raul Alvarez sa pasangil nga gikaltasan niini ang 4Ps scholarship sa mga estudyante sa Southern Philippines Agri-Business and Maritime Aquatic School of Technology (SPAMAST) sa lungsod sa Malita, Davao Occidental.
Suma ni CHED 11 Scholarship Coordinator Dr. Evelyn Eclip, imposible kaltasan ni Director Alvarez kinsa tua sa laing nasud nga kaltasan og P6-mil ang P23-mil nga 4Ps scholarship financial assistance alang sa mga estudyante sa SPAMAST.
Segun ni Dr. Eclip nga walay nadawat ang iyang buhatan og reklamo sa mga estudyante sa SPAMAST batok kang Director Alvarez busa naglibog kini kung ngano nakaingon man ang benepisaryo sa 4Ps scholarship program nga gikibhangan sa opisyal ang mao nga kantidad.
Gisulti pa ni Dr. Eclip nga ang tanang klase sa scholarship program sa gobyerno muagi gayod sa iyang buhatan apan sa karon wala pa ma-implimintar pag-usab ang 4P’s Scholarship program gumikan sa free tuition fee act sanglit wala pa’y guidelines alang niini.
Bisan og free tuition fee na ang mga unibersidad ug kolohiya nga iya sa gobyerno apan madawat gihapon sa mga benepisaryo sama sa 4Ps ang financial assistance apan sa karon kasamtangang gihunong una kini.
Dako ang pagtoo ni Dr. Eclip nga hayan ang 4Ps scholarship program ngadto sa mga benepisaryong estudyante sa SPAMAST mao nga nakaingon ang usa sa mga magtutungha nga gikaltasan ni Director Alvarez ang ginadawatan nga ayudang pinansiyal gikan sa DSWD.
RadyoMaN Joel Viray
