Davao City – Ika-upat sa lisatahan sa drug personalities sa Davao City police ug lain pang tigpayuhot og iligal nga droga ang nadakpan sa milabayng Sabado alas 10:30 sa kabuntagon partikular sa Prk. 2 Brgy. 76-A Bucana ning siyudad sa Davao.
Mga suspek naila nga sila si Dondon Laraga Ambolong, 31 anyos, ug si James Ramirez Roa, 23 anyos nga transient resident lamang sa nahisgutang lugar.
Ang pirmerong suspect nga si Dondon nadakpan pinaagi sa buy bust operation sa San Pedro PNP ug Philippine Drug Enforcement Agency (PDEA) diin narekober ang mga iligal nga droga ug buy bust money nga 5,000 ka pesos.
Arestado usab ang laing suspect nga si James human adunay nadawat nga lead ang kapulisan nga nagapamaligya kini og shabu diin nakuhaan kini og mga iligal nga droga.
Kasamtangang anaa na sa buhatan sa kapolisan sa San Pedro ang mga dinakpan aron pasakahan og tukmang kaso.
RadyoMaN Paul Canono
