Davao City – Unahon sa lokal nga panggamhanan sa ikaupat nga hugna sa ration distribution ang mga trabahanteng anaa sa Category IV (Leisure Industries).
Kini ang mando ni Davao City Mayor Sara Duterte-Carpio sa City Social Welfare and Development Office (CSWDO) tungod kay nia dinhi ang mga displaced workers sa mga pamatigayong wala gihapon nag-operate ilawom sa General Community Quarantine (GCQ).
“Pagkahuman nato sa third round, and pwede na nato sugdan karon is mag focus didto sa mga establishment nga dili pwede mag open during a GCQ para mahatagan ug assistance kini sila. Because mao ni sila ang pinaka-last nga mangabli and dili pa ni sila pwede magtrabaho,” segun ni Mayor Inday.
Subay niini, nanawagan ang Mayor sa mga establishment owners ilawom sa Category IV sama sa mga nagtrabaho sa tourist destinations, tour operators ug ubang pang anaa sa nasangpit nga kategorya nga mag-submit og letter of intent sa City Goverment sa detalye sa ilang mga empleyado aron maprayoridad kini sa listahan sa mga benepisyaryo sa ayuda sa lokal nga gobyerno.
RadyoMaN Aimee Guinita
