Davao City – Mag atubang og tukma’ng kaso ang lima (5) mga indibidwal nga nagpresenta og peke nga RT-PCR (reverse transcription polymerase chain reaction) result sa Davao International Airport (DIA) kagahapong adlawa (December 21, 2020).
Matud ni Davao City Mayor Sara Duterte-Carpio nga ipailawom gihapon sa RT-PCR testing ang nahisgutan ug kung mugawas na ang ilang negatibo’ng resulta, dinhi na sila ipailawom sa proseso sa pagpasaka og kaso.
“Once nga makita nga it is fake (ang RT-PCR result), gina-test gihapon sila. Gina butang gihapon sila sa holding area, ginabantayan para dili musibat. Once mugawas na ilang negative result, we request the police to pick them up para sa pag-file og cases,” tataw sa ni Mayor Sara.
Gibutyag sa Mayor nga nakasohan na usab ang mga indibidwal nga nameke usab og RT-PCR result sa milabay nga bulan, diin gipasabot niini nga walay rason nga mameke og RT-PCR result kay nagtanyag man og libre nga testing ang DIA.
RadyoMaN Kirby Manzon
