Davao City – Gilubong na niadtong Miyerkules sa Kimamon Cemetery, Sto. Tomas, Davao del Norte ang 5 anyos kinsa namatay sa pagpangdagmal sa kaugalingon niining amahan.
Sa interbyu sa RMN Davao sa apuhan sa biktima duha ka adlaw lamang nila gihaya ang bata tungod usab sa kapit-os sa ilahang kahimtang.
Sumala niini wala gayod kauli ang iyahang anak nga inahan sa biktima nga tua sa Kuwait nga nanarbaho isip Domestic Helper apan gipasalig niini nga siya nay muatiman sa nahibiling tulo pa ka mga gagmay’ng bata
Pursegido ang ilahang pamilya nga ipadayon ang kaso batok sa amahan aron matagaan og hustisya ang menor de edad nga biktima.
Subay niini, gisaysay sa 9 anyos nga kuya nga nagpakiluoy pa ang iyahang manghod sa sa ilahang amahan nga undangon na ang pagpanakit apan sa sagunson nga pagkulata nahagbong kini sa hagdanan ug naigo ang ulo lansang.
Samtang, napasang-at na ang kasong parricide batok sa suspek sumala ni Sto. Tomas Municipal Police Station investigator Police Staff Sergeant Mark Anthony Piezas.
Sa death certificate sa biktima, Severe Head Injury ug Cardio Respiratory Arrest ang gikamatay sa bata.
Sa pikas bahin, nagbasol ug nangayo’g pasaylo ang amahan sa bata sa nahimo niining krimen.
Matud pa sa suspek nga atubangon niya ang kaso batok kaniya.
RadyoMaN Aimee Guinita
