5-anyos nga bata nga babaye ginhimuslan kag ginpatay.

15

Wala na sang kabuhi sang masapwan ang 5- anyos nga bata nga babaye nga ginapatihan ginhimuslan sang suspek sa Purok Mainuswagon, Barangay Poblacion, Tampakan, South Cotabato.
Sa pahayag sang investigator sang Women, Children`s Protection Desk Tampakan nagreport alas 6:00 sang Dominggo sang gab-i ang iloy sang bata nga nadula ini, apang alas 9:00 na sang gab-i sang nasapwan ang 5-anyos tungod sa paglabaw sang tiil sini sa ginlubngan nga buho sang suspek sa isa ka pil-as malapit sa papaya plantation sa nasambit nga lugar.
Base sa imbestigasyon sang Tampakan PNP ulihi nga nakit-an ang bata nga upod ang suspek nga ginkilala kay Zandro Ogdamin bag-o pa man nasapwan nga wala na sang kabuhi ang biktima.
Nagapadayon naman ang pagpangita sang kapolisan sa suspek nga nagpalagyo matapos makomitir ang krimen.
photo by: PDRRMO South Cotabato

Facebook Comments