Davao City – Patay ang usa ka 5 anyos nga batang lalaki ug samaran usab ang laing singko anyos nga batang babae human nga gipaulanan og bala ang panimalay sa usaka Alan Pandoy sa wala pa mailhing suspek didto sa Brgy. Tacul, Kiblawan Davao Del Sur alas 6:35pm kagahapong adlawa.
Gidala sa Gregorio Matas Hospital ang samaran nga babaeng menor de edad.
Sa pakighinabi sa Rmn Davao kang Kiblawan MPS Commander PSI Erich von C. Requilman nga atol sa gihimong imbestigasyon sa insidente sa mga kapulisan uban ang militar sa maong lugar kaganihang alas 9:35 sa buntag nagkaengkwentro sila mga B’laan Bandits.
Niresulta ang maong pinusilay sa kamatayon sa gikonsiderang Most Wanted B’laan Bandit Leader nga si Ariel Saluntay kinsa adunay gipangatubang nga kasong murder, robbery ug cattle rustling.
Sumala ni Requilman aduna pay laing duha ka mga membro sa naasoy nga bandido ang samaran ug gikatakdang pangdalaon sa balay tambalanan.
RadyoMaN Aimee Guinita
