Este dia ta comemora el pueblo Zamboanga con el aca sinco año despues el atrocidad ya conduci el maga MNLF del Septiembre 9, 2013 donde ya alcansa el guerra serca 30 dia.
Acordando madrogada palang cuando ya man tirajan el maga miembros del Philippine Navy con el monton del maga MNLF na mar serca na Rio HOndo mientras ta entra ya estos aqui na ciudad.
Ya continua el encuentro hasta na mismo ciudad donde ya sale afectao el maga barrio de Mampang, Talon-Talon, Sta. Catalina y Sta. Barbara.
Monton maga inocente ya muri inclujido maga bata y de edad monton tambien ya que hostage del MNLF.
Este tambien el aca sinco año donde maga officiales ta conduci el misa na Martha Drive, Sta. Catalina particular na Chapel donde amo del maga bien afectao del guerra.
Asegun con Consejal Jimmy Villaflores el commemoracion ta llama el “September to Remember” donde ta tene tambien el blood letting, buddle fight y denoche el lighting of candles todol cantoy calsada.
El Caso del maga MNLF pendiente pa siempre na corte donde mayoria diila ya larga ya el corte mientras el maga leader ta esta pa siempre largao.
