Davao City – Mobalor sa P220K nga shabu ang nasakmit sa joint buy-bust operation sa Philippine Drug Enforcement Agency (PDEA)-XI, Davao del Norte Police Provincial Office Provincial Intelligence Branch ug Tagum City Police Station sulod sa gituohang drug den sa Madaum, Tagum City.
Nadakpan sa operasyon sila si Rommel Valenzuela Sr., 50 anyos, residente sa Purok 20, Katipunan, Tagum City, Davao del Norte ug Rechell Concha, 40 anyos, nagpuyo sa S.I.R., Matina, Davao City.
Apil nga naaresto ang tulo usab ka giingong mga drug visitors nga sila Rhojan Valenzuela, Paulino Wahing ug Mark Paul Wahing.
Matud sa PDEA XI mag-atubang ang mga dinakpan og kasong paglapas sa Republic Act 9165 (Comprehensive Dangerous Drugs Act of 2002).
RadyoMaN Aimee Guinita
