Davao City- Na-dismantle sa Philippine Drug Enforcement Agency Regional Office XI uban ang PNP Regional Intelligence Division XI ug Pantukan Municipal Police Station ang gituohang drug den sa Purok Mahayahay, Dapsaville, Townsite, Barangay Kingking, Pantukan, Davao de Oro.
Segun ni PDEA Regional Office XI Regional Director Naravy Duquitan, malampuson nilang nasikop ang 45 anyos nga target sa buy bust operation nga si Tristan Howell Banta human kini mapalita’g shabu sa kantidad nga Php 12,000.00 sa PDEA Agent nga poseur buyer.
Gipangdakop usab sa mga operatiba ang kaubanan niini sa illegal drug activities nga si Noramae Traya ug alleged drug den visitors nga giilang sila Randy Aradidon, Ronald Catipay ug Jenezeal Davis.
Kasong paglapas sa Republic Act 9165 kun Comprehensive Dangerous Drugs Act of 2002 ang gipasaka batok sa mga drug suspects.
RadyoMaN Aimee Guinita
Facebook Comments
