Con sinco persona, donde 4 el mujer y uno el hombre ya aresta el maga agente del PDEA y maga pulis durante el raid ya conduci na Tubig Tanah, Bongao, Tawi-Tawi del Sabado por la tarde.
Pasada alas 3 del tarde cuando el maga PDEA junto con el maga pulis ya anda na mencionao lugar para servi el mandamiento d aresto con Darawina Bakkal y Jammang, (target drug personality tiene warrant of arrest) y ta mantene un drug den donde ya resulta na su aresto.
Arestao tambien su maga uban nombrao como canda; Sabaani Sapayani Habil, Nurfaina Hamsiri Baduli (barangay Kagawad de Ungus-Ungus y high value target) Marlina Fermina Ismael y si Lawing Bariya Abdul.
El maga otoridad ya confisca canila el 12 gramo de shabu tiene el valor de P81, 600.
El PDEA ya habla elmaga caso que el planta con el maga suspechao amo el maga violacion del sections 6,7, 11 y 12 del RA 9165.
