Muerto el sinco miembros del bandido grupo Abu Sayyaf Group mientras siete soldao irido durante el 90 minutos encuentro que ya occuri del ayer alas 4:15 del madrogada na Bud Bawis, Panamao Sulu.
Ya puede identifica con el mana ya muri ASG como canda Mikdak Juhurim, Annin Black, Tasom Hammiri, Undil Husin, y un tal Roger di quien cadaver el nohay pa puede recuvri hasta este mana tiempo.
Tres na sietebmana soldao el ta esta serioso el condition y ensiguidas ya lleva transferi para na Camp Navarro General Hospital na Wesmincom, mientras con el cuatro otro soldao irido el ta recopera ya ahora na ospital del Camp Bautista Station Hospital.
Asegun con el commandante del Joint Task Force Sulu BGen Cirilito E. Sobejana, el encuentro ya bene despues ya conduci search and rescue operation el mana tropa del Marine Battalion Landing Team (MBLT)- 3 na mencionao lugar cuando ya puede sila columbra con mana bandido.
Fuera con el maga muerto miembro del ASG ya puede tambien recuvri armas de fuego m14 rifle desde na de estos posession.
Si Sobejana ya commenda con el mana tropa del Philippine Marine Ready Force-Sulu especialmente con el MBLT-3 bajo na mando di Lt. Col. Ramil B. Densing con el de estos victorioso operacion que ya resulta na muerte del siete mana ASG, y na mismo tiempo ya rindi tambien gratitude si Sobejana con el LGU y mana residentes quien ya dale informacion canila sobre el precencia del maga rebelde na diila lugar.
Omento pa di Sobejana, jinde sila ay descansa de conducir mana operacion hasta el tiempo que ay puede sila recuvri con el mana ta resta cautivo del ASG na provincia del Sulu.
Photo CTTO: Gamz Hassan
