Sa interbyu sa DXDC RMN Davao kang Arpaul Edio, personahe sa Municipal Disaster Risk Reduction and Management Council (MDRRMC) Kiblawan, gibutyag niini nga nagbaton og landslide sa Barangay Tacub nga mitabon sa bahin sa sapa, rason nga nabutang usab sa risgo ang Barangay sa Cogon-Bacaca, Latian, Dapok ug San Pedro ugaling mubigay ang tubig.
Matud ni Edio nga ang sagunson nga pag-ulan ang hinungdan sa pagdahili sa yuta. Hinuon, luwas nga na-evacuate ug walay natala nga apektadong indibidwal tungod sa insidente.
“Sa sige’g ulan, mao na nga nag-landslide. Ang kalawmon sa tubig is 15 feet. Dako dako pud na nga area nga gi-landslide. Natabunan ang sapa ana anang (pagdahili sa yuta),” saysay sa MDRRMC personnel.
Sa pagkakaron, gina-assess pa sa awtoridad ang ihap sa mga residente sa apektadong mga barangay. | RadyoMaN Kirby Manzon
