5 dag-on nga unga, aksidenteng habun-an ko anang tiyo

18

Banga, Aklan –Nakaangkon it tama it pagbuno sa uyahon rong sangka 5 dag-on nga ungang eaeaki matapos magwala ro anang tiyo kahapon it hapon sa Brgy.Polocate, Banga, Aklan.
Nakilaea rong tiyo it biktima nga si Josel Lachica, sa legal nga pang edaron ag residente man it nasambit nga lugar.
Suno sa nanay it biktima nga kahapon hay nag ininum ro suspek ag pagkatapos hay gin-ayat imaw it inaway ag bangud nga nakasanayan eon nanda nga kung mahilong rayang suspek hay maoy uwa nana ginsapaka.
Dahil uwa kana it gasapak, nagwala raya ag anang ginbinuno ro dingding ko baeay it mag-ina kung sa siin natamaan nga idto maeapit ro unga ag inigo sa uyahon.
Insigida gindaea sa hospital ro biktima para mataw-an it nagakaigo nga pagbueong.
Haom man nga magpasaka it kaso rong nanay it biktima kuntra sa suspek.

Facebook Comments