Davao City – Gikumpirma ni Davao City Mayor Sara Duterte-Carpio nga aprubado na sa Department of Education (DepEd) ang lima (5) ka public schools sa syudad sa Davao alang sa face-to-face (F2F) classes.
Gisulti ni Mayor Sara (sa interbyu sa city-owned radio), na-inspeksyon na sa DepEd Davao Region ug DepEd Davao ang maong mga eskwelahan ug kini naaprubahan.
Hinuon sa Enero pa sunod tuig (2022) sugdan ang F2F classes human gihangyo sa alkalde ang DepEd kabahin niini tungod sa pipila na lamang ka adlaw nga nabilin karong tuiga.
“Na-inspect na ‘to sila sa Department of Education, pati sa region and sa atoang city level. Okay na ‘to sila, na-approve na sila, but they will start January of next year pa. I requested the Assistant Regional Director of DepEd kung pwede i-postpone until January ang ilahang face-to-face (classes) because gamay na man lang ang nabilin nga mga adlaw karong tuiga,” sulti sa mayor.
Una nang gibutyag ni Duterte-Carpio, ang maong mga eskwelahan mao ang Dalagdag National High School (NHS) sa Barangay Dalagdag, G. Tajo NHS sa Brgy. Lampianao, Saloy NHS sa Brgy. Saloy, Mabuhay Elementary School (ES) sa Brgy. Mabuhay, ug Gumitan ES sa Brgy. Gumitan.
Samtang, gibutyag ni Jenielito Atillo, Spokesperson sa DepEd-XI ug hepe sa Quality Assurance Division sa private schools, nga gisugdan na ang F2F classes sa Faith International Academy kagahapong adlawa (November 29, 2021) nga maoy unang eskwelahan nga nag F2F dinhi sa syudad sa Davao.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
