El Regional Tripartite Wages and Productivity Board 9 ya anuncia que fuera con el 13th month pay, el maga obreros del diferentes companiya debe tambien recivi el que se llama “Five Days Service Incentive Leave”.
Donde asegun con el chairperson del board, el Regional Director del Department of Labor and Employment, Ofelia Domingo, obligao tambien paga el maga employer conel service incentive leave donde el maga obreros ay recivi omento sweldo balor de sinco dia.
Este cosa estipulao tambien na labor code donde el maga employer o amo nohay rason para gendeh oblige.
Como el 13th month pay, puede tambien el maga obreros hace diila reclamo na DOLE encase gendeh coneste ay obedese el maga amo.
Mas de ese, si Domingo ta hace acorda conel maga amo para dale el 13th month pay con el maga empleyao antede llega el Deciembre 24 como cosa ta habla na lei del maga obreros.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
