5 ka barangay sa Bacolod, illegal drug areas of concern

BACOLOD CITY – Lima ka mga barangay sa Bacolod City ang ginakabig karon bilang illegal drug areas of concern.

Ini nga mga barangay ginalakipan sang Brgy. 1, 2, 31 kag Brgy. Banago kag Singcang Airport.

Angut sini, ginahangkat ni Bacolod City Police Office, OIC City Director P/Ssupt. Jack Wanky ang amo nga mga barangay nga dapat nila nga sundon nga ehemplo ang mga barangay sa ciudad nga gin-declare na bilang drug-free barangays.


Sa pihak nga bahin, ginaduso naman ni Liga ng mga Barangay President Coun. Noli Villarosa ang pagpatigayon sang meeting upod ang 61 ka mga barangay sa ciudad, Bacolod City Police Office kag DILG agud talakayon ang amo nga bangay nga ginapaboran naman ni Wanky.

Suno kay Wanky pwede man nga mahambalan sa amo nga meeting ang problema sang illegal drugs kag iban pa nga kreminalidad sa ciudad kaangay sang robbery./dyHB BACOLOD

Facebook Comments