Davao City – Operational na sugod karong adlawa ang dugang 5 ka mga swabbing areas dinhi sa dakbayan sa Davao.
Gimuntar ang swab booths sa Daliao, Toril, Ilang, Tibungco, Mintal Gym sa Tugbok, S.I.R. ug Shanghai sa Matina Aplaya.
Sa pakighinabi sa RMN Davao kang Dr. Ashley Lopez, DOH Davao City Health COVID-19 Focal Person, nagpadayon ang pag-intensify sa syudad sa Davao sa tracing ug testing kontra COVID-19.
Tumong sa pagtukod karon og dugang mga swabbing sites aron sa pag-decongest sa Sta. Ana swabbing ug Southern Philippines Medical Center (SPMC) diin libre ang RT-PCR test samtang ang Davao One World Diagnostic Center Incorporated nagtanyag og pribadong testing.
Dugang niini, prayoridad gihapon nga ma-test sa mga additional swab sites ang mga suspect, probable ug mga Locally Stranded Individuals (LSI) nga laumang mas mudagsa karong holiday season.
RadyoMaN Aimee Guinita
