5 ka individual nakuha’ag shabu ug pistola sa Task Force Checkpoint gikasohan na

Davao City- Gikasohan na sa Bunawan Police Station ang upat ka individual nga nakuhaan og mga illegal nga droga human naharang sa Task Force Davao Checkpoint sa Brgy.Lasang samtang laing usa ka individual ang nakuhaan og pistula ang gikasohan na sab sa Toril Police Station human naharang sab sa Sirawan Toril Checkpoint niadtong milabay’ng adlaw Hulyo 26,2023.

Sa interbyu sa DXDC RMN Davao kang Police Major Robel Saavedra, Station Commander sa Bunawan Police Station gibutyag niini nga ang upat ka mga individual ang gikasohan na sa kasong kalapasan sa RA 9165 Comprehensive Dangerous Drugs Act of 2002 batok sa mga suspek nga sila Bernard Joseph Torida, 27-anyos nga taga Bo. Obrero, Neljohn Amalias 28-anyos nga taga Purok 14, Brgy Tibungco, Donald Española Badajos, 40-anyos taga Purok 3, Poblacion, Nabunturan, Davao de Oro ug usa ka Carl John Violanda, 29-anyos taga Brgy Mandug ning dakbayan.

Segun ni Saavedra, dul-an 50 mil ang kantidad sa shabu ang nakuha gikan sa posisyon sa mga suspitsado.

Samtang kasong kalapasan sa RA 10591 illegal Possession of Firearms and Ammunition ang napasaka na sab sa Toril Police Station batok sa usa ka Arcel Antonio 35-anyos nga taga Zamboanga City human nakuhaan og usa ka Cal. 45 pistol ug duha ka mga magazines loaded sa 14 ka mga bala. Ang 4 ka mga suspek balhug na sa selda Bunawan Police Station samtang si Arcel Antonio priso na sab sa Toril Police Station.

RadyoMaN Don Pulayao

#TatakRMN