5 ka mga sundalong samaran sa engkwentro, gipasidunggan

24

Labangan, Zamboanga del Sur – Gipasidunggan kagahapong adlawa sa 1st Infantry “Tabak” Division ang 5 ka mga sundalo kinsa nasamdan atol sa engkwentro tali kanila ug sa mga Dawlah Islamiyah remnants.
Nahitabo ang enkwentruhanay kaniadtong Sabado sa kabukiran sa Balindong, Lanao del Sur kon diin usa ka sundalo ang napatay ug lima ang samaran. Kagahapong adlawa gibisita ni Division Commander Brig. Gen. Gene Ponio sa 1st Infantry (TABAK) Division Station Hospital ang lima ka mga samaran ug gihatagan kini sa Wounded Personnel Medal isip pasidungog.
Gipasalig usab sa commander nga ihatag sa lima ang labing maayong pagtambal alang sa paspas nga pag-alim.
Sigon ni Col. Jose Maria Cuerpo II, 103rd Infantry Brigade Commander, ang 20 ka mga remnants ang nakahiagom usab ug mga samad gumikan sa mga lama sa dugo nga nakita sa ilang giagian nga dalan.
Mipaabot usab sa pahasubo si Brig. Gen. Ponio ngadto sa nagbangutang pamilya ug mga higala sa napatay nga sundalo. Dugang tropa ang gipadala na sa maong dapit arun sa pagsikop sa mga misibat nga mga terorista ug lakip na ang pagsiguro sa seguridad sa mga sibilyan nga mipuyo sa maong dapit.
(Photo courtesy: 1ID)

Facebook Comments