Isa ka ethnic Chinese nga nagapakuno kuno may titulo nga “Datuk Seri ” ang nagpang biktima sa mga Pinay domestic helpers sa Malaysia sang 38,000 ringgits (US $ 9, 375 ) .
Base sa balita nga nabalhag sa Shin Min Daily ,ginkilala kay Datuk Seri John Wong, ang con artist nga nangaku kg nag garantiya sa mga pinay sang valid nga working permits sa Malaysia.
Isa sa mga biktima nga ginkilala kay Janice ang nagbayad sa conman sang 12,100 ringgits sang Mayo 2016 para mag process sang working permit sini apang gin deny ang iya application subong nga tuig. 13 anyos na nga naga trabaho sa Malaysia si Janice kag 2 na ka tuig nga nakilala niya si Wong.
Gin representahan ni Mercy Sison, 44 anyos ang mga biktima sa ginhiwat nga press conference sang Miyerkules sa opisina sang MCA Public Services and Complaints Department .
Sa pahayag ni Sison,nagpati gid ang mga biktima nga genuine ang pagka Datuk ni Wong tungod well mannered kag fluent ang pag English sini.
Ang apat pa ka mga biktima ni Wong ang nagbayad sa iya sang tutal nga 25,772 ringgits sang Mayo 2017 apang naisyuhan lamang sang temporary working permits ang mga ini. Sa posisyon pa ni Wong ang passport sang isa sang mga biktima sini.
Base sa pahayag ni Mr.Michael Chong, head sang MCA Public Services and Complaints Department gin tinguhaan niya magpakig angut kay Wong para erefund ang kwarta sang mga biktima apang napaslawan makig kita si Wong sa iya.
Dugang pa ni Chong, may 5 pa gid ka kaso ang gin reklamu sa iya opisina subong nga tuig kon sa diin naglab ut sa 270,000 ringgits ang nakuha sa mga biktima.
