Luwas nga nakuha sa hiniusang search and rescue operation sa Coast Guard personnel sa Darong ug Sta Cruz ang 5 ka mga biktima human nga naunlod ang ilang bangka sa Purok Bacutan, Brgy. Astorga, Sta. Cruz, Davao del Sur.
Sa report sa Coast Guard District Southeastern Mindanao, nakasugat kini og dagkong balud ang capsized motorbanca, hinungdan nga kini naunlod.
Nasayran nga mga personahe sa Barangay Fisheries and Aquatic Resource Management (BFARMC) Astorga ug Ecological Conservation and Humanitarian Organization ang mga biktima diin nagpahigayon og instalasyon sa mga boundary buoy.
Nagpahimangno sab ang otoridad ilabi na mga mananagat nga magdoble igmat ug amping ilabi na sa panahon nga kusog ang balud sa dagat.
RadyoMaN Kareen Beltran
Facebook Comments
