Davao City – Gipangtow o gipangbitad ang pipila ka mga sakyanan sa City
Transport and Traffic Management kun CTTMO usa ka adlaw una ang selebrasyon
sa ika-81 nga Araw ng Dabaw human gipatuman ang road closure alang sa
Parada Davaoeño kagahapong adlawa.
Sa ekslusibong pakighinabi kang CTTMO head Dionisio Abude, gibutyag niini
nga lima ka mga sakyanan ang gipangtow sa milabay’ng adlaw.
Matud niya, adunay duha ka sakyanan nga na-tow gikan sa dalang Roxas
samtang tulo sa dalang Bonifacio ning syudad.
Ang mga gipangtow mao ang mga sakyanan nga naka-wrong parking atol sa
gipatumang road closure alang sa nasangpit nga aktibidad diin aduna kini
multa nga 2,000 ka pesos.
Kahinumduman nga miaging tuig adunay 10 ka mga sakyanan ang gipang-tow sa
CTTMO.
RadyoMaN Don Pulayao
