Moabot ug P5 milyones pesos ang balor sa shabu nga nasakmit sa kapolisan sa Cebu City Police Office , sa lain –laing barangay sa dakbayan sa Sugbu atol sa “one time bigtime operation” ganinang kadlawon.
Ang hepe sa CCPO nga si Sr. Supt . Royina Garma nihulagway nga malamposon ang dungan nga operasyon sa tanang police stations sa CCPO nga niresulta sa pagkasikop sa kapin 30 nga nalambigit sa ilegal nga drugas .
Apil sa nadakpan sa Guadalupe Police Station ang anak ni kanhi Consolacion Mayor Avelino Gungob nga si Junnie Gungob , ang numero nga konsehal sa Barangay Casili sa maong lungsod.
Si Gungob nadakpan atol sa pot session sa pinuy-anan sa usa ka Clint Fernandez nga naa sa target list sa CCPO.
Facebook Comments
