El City Anti-Drugs Abuse Council (CADAC) hay utiliza con el de este fondo na cantidad de cingco milyones de pesos por el campanya contra droga aqui na ciudad.
Asegun con el alcalde Beng Climaco-Salazar enantes aga, que este fondo hay fuede usa para mejora el campanya contra droga, lo mismo dale asistencia na barangay y govierno local por el conducta del random drug testing contodol mga empleyado del goveirno local, y lo mismo del barangay.
Si Climaco ya habla cay este movimiento parte del esfuerzo del su presente administrasyon para supporta coneste programa del presente administraccion.
Fuera de este, hay queda tambien parte del tal programa el mga barangay oficiales, donde canila hay require tambien emfrenta el random drug testing para fuede determina si quien ba mga oficiales del barangay el ta usa droga prohibido. – Bhong Simbajon/RMN News
