Davao City – Gibarugan karon sa Davao del Sur Police Provincial Office nga magpadayon sila sa pagpanalipod sa kahapsay ug kalinaw sa komunidad, subay sa bag-ong OCTA Survey Results diin nakakuha ang PNP og taas nga trust rating.
Matod ni Police Colonel Leo Ajero, Provincial Director sa Davao del Sur Police Provincial Office, nga lauman sa katawhan ang mas lig-on nga paningkamot sa kapulisan aron mapadayon ug mapalambo ang pagsalig ug kumpiyansa sa publiko.
Dugang pa niya, magpadayon sila sa ilang trabaho alang sa usa ka luwas ug malinawon nga nasud. Giawhag usab niya ang katawhan nga kung adunay emerhensya, dili na kinahanglan muadto sa presinto tungod kay pwede na silang modial sa 911, ug moresponde ang kapulisan sulod sa lima ka minuto.
Base sa OCTA Survey Results, nakab-ot sa Philippine National Police (PNP) ang 72% trust rating, nga mas taas kumpara sa 62% niadtong Abril 2025.
RadyoMaN Bien Abanos
Facebook Comments
