TACLOBAN CITY – Nadakop ha akto han PDEA Region 8 an lima nga preso han Abuyog Sub Provincial Jail nga nagpo-pot session ha infirmary section han mao nga pasilidad.
Ginkilala an mga suspek nga hi Mario Marmita, myembro han Omega Drug Group, 38 anyos, ngan residente han Brgy. Plaridel Dagami Leyte, Noli Rinos, 52 anyos, nga residente han Brgy. Inayupan Javier Leyte, Allan Sia, 33 anyos nga residente han Poblacion 2 Mayorga Leyte, Elvira Cuevas, babaye, 38 anyos nga residente han Javier Leyte, ngan Jonalyn Edloy 38 anyos, nga residente han Brgy. Barayong Abuyog Leyte.
An mga suspek in tanan nga nakadetiner ha abuyog Sub Provincial Jail.
Nakompiska ha mga suspek an usa kaplastic sachet nga gin-sususpetsyahan shabu nga may kabug-at nga .5 ka gramo ngan may estimated value nga P2,500, duha nga strips han aluminum foil nga may sulod nga shabu, ngan duha nga rolled tin foil nga guin gamit kumo improvised tooter ngan duha nga disposable lighters.
An mga suspek nga presente nga nakadetiner in papasakahan hin kaso ha pagtalapas han Section 11 Possession of Dangerous Drugs, section 12 possession of Drug Paraphernalia section 15 use of Dangerous Drugs, article II han RA 9165.
