Davao City- Tulo ka mga probinsya ang anaa sa state of calamity sukad pa sa gibilin nga kadaot sa shearline sa Davao Region.
Matud ni Ednar Dayanghirang, Office of the Civil Defense 11 Regional Director, ang Davao del Norte, Davao Oriental ug Davao de Oro mao gyuy nagrabehan sa kalamidad tungod sa Trough of Low Pressure Area.
Nakatala og lima ka mga patay sa Davao de Oro diin duha sa New Bataan, 3 sa Maragusan, samtang 6 ang angol sa New Bataan ug usa sa Compostela.
Sa datos sa OCD 11, 56 ka mga barangays sa Davao Region ang gibaha ug 45 ka mga barangays ang adunay natigayong nga landslides.
Dul-an 300,000 ka mga indibidwal o 72,568 ka mga pamilya ang apektado samtang 7,600 ang Internally Displaced Individuals.
Dili maagian ang 52 ka mga kadalanan ug walo ka mga tulay sa Davao Region.
RadyoMaN Aimee Guinita
Facebook Comments
