Davao City – Anaa na sa lima ka ka Persons Under Investigation (PUIs) sa Coronavirus Disease 2019 (COVID)-19 sa isolation facility dinhi sa syudad sa Davao.
Sa interbyu sa DXDC RMN Davao kang Dr. Ricardo Audan, Chief of Clinics sa Southern Philippines Medical Center (SPMC) gibutyag niini nga nakasinati lamang og ubo ang duha ka bag-ong PUIs samtang gikuhaan na usab ang nahisgutan og samples alang sa laboratory test aron masayran kung positibo o negatibo kini sa COVID-19.
“Okay lang man sila. Naa lang silay ubo pero okay lang man kay first admission pa man,” saysay ni Audan.
Samtang padayon usab nga gipaabot ang resulta sa lab test sa daang tulo ka PUIs diin maayo usab ang kondisyon niini.
Saysay sa health official nga aduna gayoy pagkadelatar sa resulta sa lab tests tungod sa daghanang samples nga gina-cater sa testing center sa kaulohan.
RadyoMaN Kirby Manzon
