5 years old nga bata nalumos, patay ha usa nga resort ha Tacloban

TACLOBAN CITY – Waray life guard, ini an gumawas nga imbistigasyon han Tacloban City Police Office han pagkalumos han usa nga bata ha usa nga resort ha syudad han Tacloban.

Sumala kan PCInsp. Rex Cantillep, Deputy City Director for operations han Tacloban PNP, nangangarigo an pamilya lakip an singko anyos nga bata ha La Villa Francisco Resort ha Brgy. 100 San Roque Tacloban City, dida han waray ini kabantayi ngan nakit-an nala nga naglulutaw-lutaw ha swimming pool han resort.

Pahimatngon han opisyal, required nga magkamay-ada an tanan nga resort hin life guard pero han mismo adlaw han panhitabo, waray nag nag-aasister ngan nagmomonitor nga life guard nga ansya unta an magbabantay han mga nangangarigo.


Ha pagka yana in ginkikita pa han mga kapulisan kun mayada baratunun an resort ha mao nga panhitabo.

Facebook Comments