Davao City – Naharang sa kapolisan sa Bunawan ug Task Force Davao ang usa ka 50 anyos lalaki human nakuhaan og shabu alas 3:30 sa kadlawon human na-intercept sa Check Point Task Force, Licanan Brgy. Lasang siyudad sa Davao.
Subay sa report sa Davao City Police Office (DCPO), naila ang dinakpan nga usa ka Gelbert Cascabel, residente sa Poblacion Mabini, Comval Province.
Matud pa nga samtang ang kapolisan sa Bunawan sa pagpanguna ni Police Chief Inspector Estrello Ramiso naglusad og inspeksyon sa mga pasahero, didto nakuhaan ang suspek og usa ka gituohang shabu nga adunay street value nga 500.00 pesos lakip ang drug paraphernalias.
Ang dinakpan balhug na sa Bunawan PNP ug mag-atubang na ug kasong kalapasan sa RA 9162 kun Comprehensive Dangerous Drugs Act of 2002.
RadyoMaN Don Pulayao
