Davao City – Kasong paglapas sa Republic Act 9165 kun (Comprehensive Dangerous Drugs Act of 2002) ang atubangon sa usa ka lalaki nga nadakpan sa checkpoint sa Barangay New Balamban, Tagum City, Davao del Norte.
Sa interview sa DXDC RMN Davao sa Tagum City Police Station, giila ang suspect nga si Arnel Responso Baruis, 34 anyos, ulitawo nga taga Pindasan, Mabini, Davao de Oro.
Sa report, samtang mihimo og checkpoint ang kapulisan, ilahang giharang ang usa ka rider nga walay helmet ug didto pag-abli sa utility box (u-box) sa iyang motor, didto nakita ang mga drug paraphernalia, usa ka dakong pakete sa gituohang shabu nga mutimbang og 50 gramos ug mukantidad og P340,000.
Gilayong giaresto ang suspect nga gikustodiya na karon sa Tagum City Police Station detention facility.
Giawhag usab ang Tagumenyos ug ang publiko nga padayong suportahan ang kampanya sa otoridad batok iligal nga droga ug uban pang matang sa kriminalidad.
RadyoMaN Kirby Manzon
Facebook Comments
