Sa interview sa mga tigbalita kang Davao City 1st District Councilor Luna Maria Acosta gibutyag niya, ang full implementation sa Speed Limit Ordinance pagsugod sa 2024 ug anaa na karon sa transition ang CTTMO ug ginatapus pa usab ang mga signages ug wala pa malusad ang information drive kabahin sa speed limit ordinance.
Gikanayon usab ni CTTMO Head Dionisio Abude, anaa sa 50 ka lugar sa syudad gikan north ug south bound lanes ang butangan og signages ug pavement markings.
Ilawom sa Ordinansa, ang mga dalan gikan sa Bunawan-Lasang, Lacson-Buda, Carabao Monument sa Toril-Binugao ang speed limit 80 kph alang sa mga light vehicle, 50 kph alang sa mga trucks.
Samtang 60 kph sa mga dalan sa Ulas Crossing-Carabao Monument Way Park, Crossing Panacan- Bunawan Crossing ug Davao City Coastal Road 30 kph sa Freeders ug minor roads.
Sa Tourist streets 40 kph, 30 kph sa mga truck, 20 kph sa mga Subdivisions Roads, Barangay Roads ug School Zone.
Segun ni Abude, sagad sa rason sa mga disgrasya mao ang sayop sa mga drivers ug mechanical error, apan kung hingpit nang mapatuman ang Speed Limit Ordinance sa sunod tuig, laumang mokunhod na ang maduguong insidente sa kadalanan sa syudad sa Davao.
RadyoMaN Joel Viray
