500 ka mga kabataan misalmot sa peace rally didto sa Sindangan

179

Sindangan, ZDN-Moaabot sa 500 ka mga kabataan ang mi partisipar sa gihimong peace rally didto sa lungsod sa Sindangan sakop ning probinsya sa Zamboanga del norte.

Sa gihimong peace rally sa nakalabayng mga adlaw, nagpunay ug singgit ang mga kabataan bitbit ang mga placards matod nila nga edukasyon ug dili rebulosyon .


Kini ang panawagan sa Kabataang Subanen Western Mindanao, isip pagsuporta nila sa Executive Order No. 70 ni Pangulong Rodrigo Duterte aron hingpit nang matapos ang local communist armed conflict dinhi sa nasud.

Gipakita sab sa mga kabataan ang pagpakita ug suporta ngadto sa mga Indigenous Peoples (IP) youth Organization.

Ilang gipanawagan ngadto sa mga taga CPP-NPA nga hunongon na nila ang pagpanglingla sa mga kabataan ilabi na kadto anaa nagpuyo sa mga lagyong lugar pinaagi sa pagtisok ug mga bakak nga ideolohiya batok sa gobyerno.

Ang mao nga kalihukan suportado kini sa local nga panggamhanan sa lungsod sa Sindangan.



hinuon gipaniguro ni Sindangan Mayor Rosendo “Dodoy” Labadbad nga iyang mabantayan ang iyang nasakupan aron dili makahatag ug kahigayonan ngadto sa mga komunista nga maka operate.


Iya usab gipasabot nga kun adunay mga NPA sa ilang lungsod kini gikan sa ubang lungsod.

Ang barangay Titik ug Tinaplan sa lungsod sa Sindangan mao lamang gipailawom sa seguridad tungod kay adunay hulga sa comunistang NPA.

Facebook Comments