Gisulod sa mga kawatan ang usa ka establisemento nga AA hardware and General Merchandise didto sa brgy. Pob. Lungsod sa Jose Dalman, nahitabo kini mga 1:18PM niadtong adlawng sabado.
Sa inisyal nga imbistigasyon sa kapulisan nasayran nga tulo ka wala mailang armadong kalalakihan, ang usa nagsuot ug jacket kolor itom, ang usa naka pula ug t-shirt, samtang lain pang naka puti ug t-shirt nga mao ang nagmaneho, sa single motor XRM, kolor itom, walay plaka.
Ang maong mga tulisan mihunong kini atbang gayod sa maong tindahan, ug dali kini nga mideklara nga tulis.
Walay nahimo ang usa ka kahera kundili sa paghatag na lamang sa 50,000mil nga salapi ngadto sa mga tulisan human kini siya tutoki ug kalibre 45 sa iyang ulo.
Dali usab nga misibat sa ang mga suspetsado padulong sa lungsod sa Sindangan ang direksyon. Nagpasalamat usab ang hingtungdan sa maong tindahan nga wala gikatahong naangol tungod sa nahitabong pagpanulis.
Ang kapulisan sa Jose Dalman, Padayon ang ilang gihimong imbistigasyon ug pagpangalap sa dugang impormasyon aron masayran ug madakpan na gyod ang mga tulisan.
