Davao City – Sikop sa buy-bust operation sa Tagum City Police Station ang usa ka lalaki sa Purok 3, Marangal, Sison Subdivision, Barangay Magugpo South, syudad sa Tagum.
Naila ang suspek nga si Rodrigo Bayona, 52 anyos, byudo ug residente sa Purok 3, Brgy San Juan, Maco, Davao de Oro.
Sa operasyon, nakuha sa posisyon sa suspek ang droga nga gibana-banaang nagkantidad og P25,000.
Ang suspek mag-atubang sa kasong paglapas sa Section 5 ug Section 11 sa Republic Act (RA) 9165 kun Comprehensive Dangerous Drugs Act of 2002.
Padayon ang pag-awhag sa tanang Tagumenyos ni Pol. Lt. Col. Jed Clamor, Office In Charge (OIC) Chief of Police (COP) sa Tagum City Police Station nga suportahan ang kapulisan sa ilang kampanya batok sa iligal nga droga.
RadyoMaN Kirby Manzon
