Davao City – Nakatala og taas nga ihap sa mga recoveries sa COVID-19 ang Davao Region sa pipila na ka mga adlaw.
Sa gipagulang COVID-19 Regional Situation Update sa DOH Davao Center for Health Development nadugangan og duha ka mga pasyenteng nakarekober ug sa karon 52 na ang sumada sa recoveries.
Walay bag-ong kaso ug nagpabiling 90 pa gihapon ang ihap sa mga kumpirmado sa COVID-19 as of April 13, 2020 5:00 PM.
Segun ni Department of Health XI Asst. Regional Director Dra. Lenny Joy Rivera nga ang pasyenteng nangaayo wala kiniy mga comorbidities kun walay lain pang mga sakit sama sa kanser, kindey diseases ug uban pa.
Sumala usab niini nga diha sa sayo nga pag-detect sa mga doktor sa impeksyon matulunan gilayon ang mga pasyenteng interventions.
“Malaki na po siya ngayon compared natin with the national, mas marami na tayong narerekober. This would really means that we have good clinicians that can actually manage the cases,” matud niini.
Matud ni Southern Philippines Medical Center chief of hospital Dr. Leopoldo Vega nga namatikdan sa sukad sa pagpatuman sa ECQ dinhi sa Davao City adunay pag-flatten o plateau sa kaso sa COVID.
Gitataw ni Vega nga angay nga dili gihapon magkumpyansa ug tumanon ang mga lakang diha sa pagbatok sa COVID-19.
Subay niini, 3 na lang karon ka mga healthworkers nga nagpositibo sa COVID-19 ang admitted sa SPMC ug ang 9 na-discharged na sa ospital.
RadyoMaN Aimee Guinita
