Dipolog City – Patay nang niabot sa tambalanan ang usa ka 54 anyos nga lalaki human giataki sa sakit sa kasing-kasing samtang naglodging uban ang usa ka babaye sa lodging house nga nahimotang sa Barangay Sta. Felomina, ning dakbayan sa Dipolog badang alas 11 ang takna sa miaging buntag.
Ang biktima itago lang sa pangalan nga alias “Dodong”, 54 anyos, wa maminyo ug lumulupyo sa Barangay Dicayas ning dakbayan.
Subay sa report sa Dipolog PNP, nasayran nga samtang nisulod sa usa ka lodging house ang biktima kuyog ang usa ka Babaye, itago lang sa pangalan nga “Magdalena” 42 anyos, lumulupyo sa Barangay Galas ning dakbayan.
Sumala pa atol unta sa kumbate imabaw sa kama, kalit giatake sa iyang sakit sa kasing-kasing ang maong biktima.
Ang personahe sa recue 117 daling mingresponde sa dapit ug daling gidala ang biktima sa Corazon C. Aquino Hospital apan gideklarar nga dead on arrival sa nag-atiman nga doktor.
Migawas sa medical examination sa biktima nga heart attack ang gikamatyan niini ug way nakita nga walay foul sa hitabo.
