Davao City – Nagpadayon karon ang assistance sa lokal nga panggamhanan sa Davao pinaagi sa pagpa-cremate sa mga namatay nga may kalambigitan sa COVID-19.
Sumala ni Davao City Mayor Sara Duterte-Carpio, adunay mga bag-ong ihap sa mga cadaver kun patay’ng lawas nga gikinahanglang ipa-cremate gilayon subay sa rekomendasyon sa mga doktor.
“Pending nato is 15 karon. Bag-o ni sila tanan gikan kagahapon ug karong buntag,” segun sa alkalde.
Gibutyag sa mayor nga sukad April 16, 55 na ka mga cadaver napa-cremate na sa lokal nga panggamhanan sa Davao.
Sa pikas bahin, as of May 5, mototal na sa 136 ka mga COVID-19 positive cases natala denhe sa dakbayan, 49 niini gikonsidera nga active cases, 66 ang recoveries mientras 21 ang ihap sa mga namatay.
RadyoMaN Aimee Guinita
