55 ka mga sugarol lakip ang 3 ka mga minor de edad nadakpan sa iligal nga tari-tari

30

Miabot sa 55 ka mga indibidwal ug tulo ka mga minor de edad ang nasikop sa mga kapulisan atul sa operasyong gipahigayon batok sa iligal nga sabong didtu sa P-3, Sitio Logdik Brgy. Mapayag, Malaybalay City, Bukidnon kaniadtong milabayng dominggo sa may alas 3 sa hapon.

Naalarma ang mga kapulisan sa report sa usa ka concern citizen kabahin sa nahitabong iligal nga tari-tari sa naasoy nga dapit, maong dali dali kining gi operasyonan og didto naaktuhan ang maong mga sugarol hinungdan sa pagka sikop sa 55 ka mga indibidwal lakip na ang 3 ka mga minor de edad.


Nakumpiska gikan sa mga dinakpan ang upat (4) ka mga manok panabong, duha (2) ka bulang o tari ug kwartang mukabat sa desi nuybe mil (19,000) ka pesos sa nagkadaiyang denominasyon.

Mag atubang sa kaso alang sa paglapas sa P.D. 1602 ug sa RA 11332 o mas naila nga illegal gambling activities, gibalhog na sa kustodiya sa Malaybalay City Police Station ang mga suspetsado alang sa tukmang disposasyon.

Facebook Comments