57 anyos nga lalaki ha Tacloban naghikog, patay

1633

TACLOBAN CITY – Nakit-an ni Mylene Reballos, daughter in law han biktima an patay nga lawas nga naghikog gamit an black eletrical wire ha sakob han panimalay ni Engr. Renato Silvano ha Corner Melon St. and Caimito St. P3 V&G Subd. Brgy. 109, Tacloban City, ala 1:00 han kulop, kakulop.

Sumala kan PCInsp. Alex Echon, Tacloban PNP Station 1 Commander, ginkilala an naghikog nga biktima nga hi Romeo Gerez Reballos, 57 anyos, usa nga caretaker ha panimalay ni Engr. Renato Silvano ngan residente ha Tigawon 1, Brgy. 96 Calanipawan, Tacloban City.

Subay ha inisyal nga imbistigasyon han mga kapulisan, bumisita hi Mylene Reballos ha biktima ngan didto niya nadiskobre an nakabitay ngan mahagkot nga patay nga lawas han biktima.

Alas 2:57 kakulop han umabot an PNP SOCO ngan ira nakit-an an suicide note ha bawbaw han lamesa nga may nakasurat nga “Happy birthday akon kalugaringon, buwaon ako” ngan mayada pa signature han biktima.

Gintutuuhan han mga otoridad nga nagpakamatay ini nga biktima dida han Oct.10 (myerkules) adlaw mismo han iya birthday.

Sumala kan PCInsp. Echon, problema ha pinansyal an nagawas kun kayano nagpakamatay an biktima.

Pirmi daw liwat gin-iiliw han biktima an iya asawa nga patay na.

Mayada mga anak ini hi Romeo Reballos.

Basi ha report han Tacloban PNP, waray foul play ha nahinabo nga pagpakamatay han biktima.

Facebook Comments