Pagadian City – Nakahi-agum og samad pinusilan sa iyang likod ug bagtak ang 58 anyos nga babaye dihang giunay pagpusil sa iyang igsoon alas 9:00 kagabii dihang dapita sa Purok Talisay, Brgy. Pedolunan, Pagadian
Giila ang biktima nga si Janeth Gemina Laporteza, residente sa nahisgutan nga lugar.
Sa inisyal nga imbestigasyon nasayran nga samtang ang nagbaklay ang biktima kauban ang iyang bana ug anak paingon sa Barangay Tanod Outpost nagsingit-singit ang biktima agig pagpanghagit sa naa lugar.
Niulbo ang kaspa sa igsoon sa biktima nga si Gina Altobar dihang nakabati sa pagpanghagit rason nga mikuha kini sa wala matino nga armas og gipamusil ang magti-ayon.
Daling gidala sa balay tambalanan ang biktima human nakabaton og duha ka samad pinusilan sa iyang lawas.
Padayon usab nga gipangita sa kapulisan ang suspek aron kini makapanubag sa salaod nga iyang nahimo.
